Wednesday, July 17, 2024

Dowladda Somaliya oo ku dhawaaqday Bishii Ramadaan iyo Puntland & Alshabaab oo…

Dowladda Federaalka Soomaaliya ayaa caawa xilli danbe ku dhawaaqday inay Berri oo Isniin ah 11-ka Maarso 2024 ay tahay maalinta koowaad ee bisha Ramadaan.

Culimo ka tirsan wasaaradda Awqaafta iyo arrimaha diinta ayaa si toos ah warbaahinta dowladda uga dhaariyay nin magaciisa ku sheegay Jamaal Axmed Mayow oo sheegay inuu arkay bishii Ramadaan, isagoo jooga degmada Awdheegle ee gobolka Shabeellada Hoose.

Wasiirka Awqaafta iyo arrimaha diinta, wasiir ku xigeenksa iyo guddoomiyaha hey’adda culimada yaa ku dhawaaqay in berri ay tahay maalinta koowaad ee Soon-qaad.

Ad

Maamulka Puntland ayaa dhinaciisa ku dhawaaqay inay Berri dhammeystirayaan Bisha Shacbaan oo aanay Ramadaan ahayn, sida uu ku dhawaaqay Wasiirka Diinta Puntland. Sidaas oo kale Alshabaab ayaa shaacisay in la waayey Bishii Ramadaan oo ay tahay 30-ka Shacbaan, markii la waayey Bishii, halka Somaliland ay ku dhawaaqday inay Berri tahay Ramadaan.

Arrintan ayaa ka danbeysay iyadoo Maqribnimadii caawa ay Boqortooyada Sacuudiga shaacisay in la arkay bishii Ramaadaan, waxaana Sacuudiga kadib ku dhawaaqay inay Ramadaan tahay dalalka, Imaaraadka, Qatar, Kuwait, Baxrayn, Yemen, Falastiin, Lubnaan iyo Masar.

Maxkamadda Boqortooyada Sacuudi Carabiya ayaa bayaan ay soo saartay ku sheegtay in maalinta berri oo Isniin ah taariikhduna ay ku beegan tahay 11-ka March 2024 ay tahay billowga bisha barakeysan ee Ramadaan ee sanadka Hijriga ah ee 1445-ka.

- Advertisement -

Dalal kale sida Cumaan iyo Urdun ayaa ku dhawaaqay in maalinta Talaadada 12-ka Maarso ay u tahay maalinta koowaad ee bisha Ramadaan, maadaama aan la xaqiijin waayey dhalashada bisha.

Malaysiya, Indonesia, Thailand iyo Singapore ayaa sidoo kale Soonku u bilaabanayaa maalinta Talaadada.

.

Warar Xul ah

NAGULA SAAXIIB BARAHA BULSHADA: Like Saar

161,065FansLike
2,523FollowersFollow
5,990FollowersFollow

NAGU SOO BIIR

161,065FansLike
2,523FollowersFollow
5,988FollowersFollow

TOP NEWS

XOGAHA QARSOON