Xukuumadda Federaalka Soomaaliya ayaa soo saartay warbixin ku saabsan natiijada dagaalka ay kula jirto Alshabaab ee socday mudadda sanadka ka badan, kadib shir jaraa’id oo uu qabtay Wasiirka wasaaradda warfaafinta.
Warbixinta dheer ee wasiirka u akhriyay Warbaahinta ayaa lag xusay in Madaxweynaha ku dhawaaqay hoggaaminta dagaal saddex jiho ah oo Khawaarijta dalka looga xorreynayo, kasoo isugu jira dagaal toos ah, mid dhaqaale iyo mid fikir.
Dagaalka dhaqaalaha ee Alshabaab lagu qaaday ayaa warbixinta dowladda lagu sheegay in lagu burburiyay fariisimihii Khawaarijta ee duleedka Muqdisho ee isugu jiray, maxkamad beenaadyo, lana soo afjaray Shabakado badan oo ay Khawaarijtu dhinaca dhaqaalaha u isticmaali jireen kuwaas oo isu ekeysiinayay, nootaayooyin, shirkado ganacsi, dalaaliin, iyo xubno shaqadoodu ahayd in ay xogta ganacsi la wadaagaan khawaarihta.
Dowladda Federaalka ayaa xirtay 350 Akoon Banki, 405 Telefoon iyo 18 Koonto ganacsi (Merchant) kuwaas oo dhammaantood Khawaarijta Alshabaab dhex marsiisan jirtay lacagaha baadda ah.
Tirada guud ee lacagaha lagu Xayiray (Koontada bangiyada, Koontooyinka ganacsiga (Merchants) iyo Telefoon-nada gacanta ayaa gaareysaa, hal milyan shan boqol tobban iyo sagaal kun, shan boqol toddobaatan iyo shan doolar iyo konton iyo shan sint ($1,519,575.55).
Dhinaca dagaalka tooska ayaa Alshabaab looga xoreeyay Dhul 1000 KM muddo sanad gudihiis ah, iyadoo in badan 120 isugu jira deegaanno iyo degmooyin ay soo galeen gacanta dowladda.
Gobolka Hiiraan waxaa la xoreeyay  25 deegaano iyo magaalooyin isugu jiraÂ
Shabeellaha Dhexe waxaa la xoreeyay 21 deegaano iyo magaalooyin isugu jira
Galgaduud waa waxaa la xoreeyay 20 deegaano iyo magaalooyin isugu jira
Mudug waa waxaa la xoreeyay 25 deegaano iyo magaalooyin isugu jira
Shabellaha Hoose waa waxaa la xoreeyay 10 deegaano iyo magaalooyin isugu jira
Jubbaland waa waxaa la xoreeyay 20 deegaano iyo magaalooyin isugu jira
Dowladda Federaalka ayaa warbixinta ku sheegtay in Dagaallada tooska ah oo sanad jirsaday lagu dilay kun iyo todobo boqol oo Maleeshiyaad ah (1,700) iyo horjoogeyaal sare oo khawaarijta Alsahbaab muhiim u ahaa, kuwaasoo uu ka mid ahaa dhaxal sugihii kooxda Cabdullaahi Nadiir, waxaana tirada guud ee horjoogeyaashu gaareysa gaaraya (57). Waxaa lagu burburiyay 73 Saldhig oo khawaarijta fariisin u ahayd iyo (68) shabakadood oo noocyo kala duwan u abaabulkaas.
Dagaalka fikirka ee Alshabaab lagu qaaday ayuu sheegay wasiirka warfaafinta in sanadkan gudihiis la xiray 8029 sideed kun labaatan iyo sagaal barood facebook oo isugu jiray pages and profiles kuwaas oo Alshabaab u isticmaali jirteen faafinta wararka been abuurka. Aaladda Telegram waxaa hawada laga saaro 3517 channels, sidoo kale waxay Dowladdu xirtay 2921 TikTok oo lagu faafin jiray Farimaha Khawaarijta iyo 21 Youtub, 12 Websites iyo 4 afar Idaacadood oo ku hadla Afka Kooxda Khawaarijta Alshabaab.
