War hadda soo dhacay ayaa sheegaya in dowlado dhowr ah ay ku dhawaaqeenmaalinta ay bilaabaneyso Bisha Ramadaan ee sanadkan 1439 H / 2018 M.
Dowladaha Qatar, Turkiga. Maleysia, Indonesia, Cumaan, Suniyiinta Ciraaq iyo dalal kale ayaa shaaciyey in maalinta Berri ah ay tahay dhammaadka Bisha Shacbaan oo 30 maalmood ku dhammaaneysa, isla markaana Khamiista ay tahay maalinta koowaad ee Bisha Ramadaan.
Wararka ayaa sheegay in maqribnimadii maanta la arki waayay bishii Ramadaan, sidaas darteedna ay qasab noqotay in bisha Shacbaan la buuxiyo oo ku dhammaaneysa 30 maalmood.
Wararka laga helayo Boqortooyada Sacuudiga ayaa sheegaya in sidoo kale ay suuragal noqon weyday in la arko Bishii Ramadaan maqribnimadii, isla markaana lagu dhawaaqo in Berri ay tahay 30-ka Shacbaan, soonkuna bilaabanayo Khamiista.
