War hadda soo dhacay ayaa sheegaya in Guddoomiyaha Baarlamaanka Soomaaliya uu goor dhow ku dhawaaqayo Go’aan cusub oo ku saabsan Mooshinka xil ka qaadista Madaxweyne  Maxamed C/llaahi Farmaajo.

Wararka laga helayo xarunta Guddoomiyaha Baarlamaanka ayaa sheegaya inuu socdo Qoraalka war-saxaafadeed dhowaan lagu shaacinayo go’aanka cusub ee Mooshinka Madaxweynaha, kaasoo lagu dhawaaqayo in laga gudbay, isla markaana ay dib u bilaabanayaan shirarkii Golaha.

Arrintan ayaa qeyb ka ah heshiis is-afgarad ah oo dhex maray Guddoomiye Mursal iyo Ra’iisal Wasaare Kheyre, kaasoo lagu soo afjarayo Mooshinka xil ka qaadisa Madaxweynaha.