Wararka laga helayo magaalada Muqdisho ayaa sheegaya in darawal Mooto Bajaaj lagu dilay Isgoyska Howlwadaag ee u dhow suuqa Bakaaraha, caasimadda Muqdisho.

Darawalka la dilay ayaa la sheegay inuu muran dhex maray askari ka tirsan ciidamada Booliska, iyadoo markii dambe uu askariga rasaas ku furay darawalka oo lagu magacaabi jiray Yuusuf Axmed Cosoble, kaasoo goobta ku geeriyooday, waxaana baxsaday askarigii falkaasi geystay.

Wararka ayaa sheegaya in darawalka la dilay uu dhowaan ka yimid dalka K/Afrika oo uu ganacsade ahaa, isagoo dib ugu soo laabtay Muqdisho, kuna shaqo bilaabay Mooto Bajaaj.

Askarta dowladda ayaa si joogto ah u dila darawallada Mooto Bajaajta oo si xad dhaaf ah ugu soo batay caasimadda, iyadoo inta badan askartaasi aan sharciga la hor keenin.