Qof ayaa ku dhintay iska hor imaad ka dhacay degmada Baraawe, kadib khilaaf ka dhashay Gole degaan oo ay halkaas ka sameynayo Maamulka K/Galbeed.
Maleeshiyo diidan maamulkaasi ayaa la sheegay inay weerar ku qaadeen Hotel ku yaalla Magaalada Baraawe oo ay ka socotay Doorashada Golaha Deegaanka Degmadaasi ee uu wato maamulka K/Galbeed, waxaana la sheegay inay jiraan qasaare dhaawacyo ah.
Qeybo ka mida dadka ku nool magaalada Baraawe ayaa maalmahan waday cabsho ku saabsan Golaha Degaanka ee loo dhisayo degmada Baraawe, iyagoo ka hor yimid qaabka wax loo qeybiyey, waxayna maanta arrintu isu bedeshay gacan ka hadal.
Shalay ayaa la doortay 3 xubnood oo ka mida Golaha degaanka, waxaana manata goobtii doorashada ka dhacay iska hor imaad hubeysan, iyadoo falkaas kadib ay halkaasi la wareegeen ciidmo Milateri iyo kuwa AMISOM ka kooban.
Ninka iska hor imaadka degmada Baraawe ka dhacay ku dhintay ayaa lagu magacaabaa Cabdi Kadawe, wuxuuna ahaa hoggamiye degaanka ah oo dadka degan magaalada caan ku dhex ahaa, kana mid ahaa dadka ka hojrjeeda Golaha Degaank ee laga dhisayo Baraawe.
