Wararka laga helayo Gobolka Mudug ayaa sheegaya inuu dagaal culus ka qarxay Tuulooyin hoos tega ee degaanka Shabeellow ee duleedka magaalada Camaara.
Dagaalka ayaa la sheegay inuu bilowday markii ay weerar ku qaadeen ciidamada dowladda, kuwa Galmudug iyo ciidamada degaanka, waxaan goobtaasi ku harsanaa maleeshiyada Alshabaab ee laga saaray degaanada kale ee Gobolka Mudug, qeybta Galmudug.
Warbaahinta dowladda ayaa sheegtay in jab xoog leh lagu gaarsiiyey Khawaarijta, sida uusheegay Wasiir ku xigeenka Warfaafinta XFS Cabdiraxmaan Yuusuf Al-cadaala, waxaana intii uu dagaalku socday lagu dilay in ka badan 70 Maleeshiyo iyo Horjoogeyaal isugu jira.
Duqeymo culus ayaa ka socday Aaggaga dagaallada ka socdaan ee Gobolka Mudug iyo qeybo ka mida Galgaduud, waxaana weli socda dagaalka saaka bilowday.
