Dagaal ku bilowday qaraxyo ayey Alshabaab ku qaadeen galabta degaanka Celeela helay ee Gobolka Galgaduud, iyadoo warar hor leh kasoo baxayaan dagalakaasi.
Weerarka ayaa yimid markii Alshabaab gaadiid is-miidaamin oo qaraxyo sida ku weerarreen degaankaasi oo ay dhowaan la wereegeen ciidamada dowladda iyo kuwa maamulka Galmudug.
Wararkii ugu danbeeyay ayaa sheegaya in qaraxyada kadib uu dagaal culus ka dhacay Ceel-la-helay, isla markaana ay is fara saareen ciidamada Danab iyo Daraawiishta Galmudug oo dhinac ah iyo maleeshiyada Alshabaab.
Saraakiisha ciidamada dowladda ayaa laga soo xigtay nay ka hortageen weerarkii Alshabaab, ayna qasaare xoog leh gaarsiiyeen maleeshiyaadka kooxda khawaarijta Alshabaab.
Alshabaab ayaa dhinacooda sheegtay inay cagta marisay saldhigii ciidamada Danab, ayna la waregtay, iyo qasaare culus oo ay gaarsiisay, balse ma jirto cid xaqiijisay sheegashadooda.
