Dhaqaatiirta iyo shaqaalihii Turkiga ee ka shaqeynayay oo dowladda Soomaaliya ay toddobaadkii hore u qabatay
inay muddo7 maalmood ah uga baxaan dalka ayaa saaka ka dhoofaya Muqdisho.
Akhri: Xukuumadda Somaliya oo 7 maalmood u qabtay inay dalka uga baxaan Hay’adaha Turkiga ee NILE & DEVA
Isbitaalka DEVA ayaa saaka lagu arkayay dhaqaatiirta iyo shaqaalaha oo alaabadooda ka urursanaya iyagoo ku sii jeeda dalkooda, waxayna wararku sheegayaan inay haawanayo isbitaalkii casriga ahaa oo adeegyo badan oo caafimaad siin jiray dadka Soomaalida.
Go’aankan oo dowladda Soomaaliya ay si weyn ugu dhaliileen xildhibaanada Soomaaliyeed ayaa yimid kadib markii dowlada Turkiga ay ka dalbatay dowladda Soomaaliya in Hay’adda Nile laga eryo dalka iyadoo lala xiriiriyay wadaadka Fatxulah Gulem oo dowladda Turkiga ku kacsan laguna eedeeyay afgembigii dhowaan ka dhacay dalkaasi.
Arrinta Hay’adda NILE ayaa ka horeysay afgembigii Turkiga, waxaana horeba u jirtay dacwad dowladda Turkiga ka soo gudbisay hay’addan.
DAAWO SAWIRRO
Goobjooge.com
