Wararka laga helayo Gobolka Sool ayaa sheegaya in ciidamada SSC ee Khaatumo ay la wareegeen taliskii weynaa ciidamada Somaliland ku lahaayeen Goojacadde, duleedka magaalada Laascaanood.

Saldhiggan ayaa ahaa kan ugu weyn ee ciidamada Somaliland ku lahaayeen Gobolka Sool, waxaana dagaal xoog leh oo shalay ilaa saaka socday ugu danbeyn qabsaday ciidamada SSCC.

MUuqaallo la baahiyey ayaa muujinaya taliska la qabsaday, Maxaabiis iyo baabuur ciidan oo ay Somaliland leedahay oo lagula wareegay, waxaana weli socda dagaal culus oo hareeraha Saldhigga ka dhacaya.

Maamulka SSC ayaa war uu soo saaray ku sheegay inay ciidmadooda la wareegeen saldhigii Goojacadde ee maamulka Somaliland. Dhinaca kale Somaliland ayaan weli war rasmi ah kasoo saarin xaaladda dagaalka Gobolka Sool.