Wararka laga helayo degaanka Masaajid Cali-Gaduud ayaa sheegaya in laga hortegay Gaari Qaraxyo siday oo Alshabaab ay dooneysay inay weerar ku fuliso degaankaasi.
Ciidamada Gorgor ee xoogga dalka oo ku sugan degaanka Masaajid Cali gaduud ee Gobolka Shabeelaha dhexe ayaa sheegay in Saaka aroortii gubeenGaari nooca Land Cruizer ah (Leyla Calaawi) ah oo Alshabaab ay kasoo buuxiyeen Qaraxyo.
Gaarigaan ayaa la sheegay in lagu fulin rabay qarax is-miidaamin ah oo lagu qaadayo fariisimaha Ciidamada Gorgor ee Degaankaasi.
Taliyaha Guutada 17-aad G/Dhexe Dayax Cabdi Cabdule ayey warbaahinta Ciidamadda Qalabka sida kasoo xigatay in Gaariga Miineysan ay ka war heleen, ayna qarxiyeen intii aanu soo gaarin fariisinka Ciidamada.
