Madaxweynaha maamul Goboleedka Puntland C/wwli Maxamed Cali (Gaas) ayaa sheegey in ku dhowaad kala bar lacagtii lagu qabtay Garoonka Muqdisho ay ku socotay Puntland.
Madaxweyne Gaas ayaa sheegay in lacagtii lagu qabtay Garoonka Diyaaradaha Magaalada Muqdisho cadad gaarata 3.6 Milyan oo Dolar ay ku socotay Puntland oo loogu talogalay ciidamada Imaaraadu tababarraan.
C/wali Gaas oo la hadlay VOA-da ayaa sheegay lacag dhan Saddex Milyan iyo Lix Boqol oo Kun Dollar loo waday Ciidanka Puntland si mushaar ahaan loo siiyo, wuxuuna sii raaciyay .inuu la xiriiray safiirka Imaaraadka ee Soomaaliya oo u xaqiijiyey arrintan.
“Waxaan wacay Ambassador-ka Imaaradka, wuxuuna ii sheegay lacagtaas qeyb ahaan in ay ugu tala galeen Ciidanka Puntland, Madaxda Dalkana waan la qeybsaday arrimahaasi” Ayuu yiri Madaxweyne Gaas.
DHAGEYSO WAREYSIGA
