Ciidanka Booliska Gobalka Banaadir ayaa xabsiga dhigay weriye soo noqday Agaasimihii warfaafinta xafiiska Ra’iisal wasaarihii hore ee Xasan Cali Kheyre oo lagu magacaabo Cali Nuur Salaad.
Xariga Weriye Cali-Nuur Salaad Xasan ayey Booliska Sheegeen inuu ku eedeysan yahay falal iskugu jira Anshax-daro, been-abuur iyo aflagaado Ciidammada Qalanka sida, sida lagu sheegay qoraal ka soo baxay Taliska Qeybta guud ee Gobolka Banaadir.
QORAALKA BOOLISKA MUQDISHO 22/7/2024.
Ciidanka Boliiska Gobalka Banaadir gaar ahaan Saldhigga Boliiska Waabari oo gudanaya waajibaadka Qaranka, ayaa soo xiray eedeysane Cali-Nuur Salaad Xasan 38 jir ah,kuna eedeysan falal iskugu jira Anshax-daro, been-abuur iyo aflagaado Ciidammada Qalanka sida.
Waxaa kusocota baarista Boliiska Waxaana la horgeydoonaa Maxkammada awooda uleh.
Weriye Cali-Nuur oo qeyb ka ahaa ololihii Doorashada Madaxweyne Xasan Sheekh ayaa muddooyinkii danbe furtay warbaahin gaara, isagoo bilaabay inuu si toos ah uga hadlo xaaladda dalka.