Baarlamaanka dowladda Federaalka Itoobiya ayaa laalay xaaladdii degdegga ahayd ee dalka sarnayd tan iyo bishii Maarso ee sanadkan oo mar labaad la cusbooneysiiyay kadib qalalaasihii ka dhacay degaanada Qowmiyadaha Oromada iyo Amxaarada.
Golaha wasiirrada ayaa isku raacay in la qaado xaaladdii degdega ahayd ee dalkaas la galiyay dibad baxyadii iyo Isbadalkii siyaasadeed ee dhacay ka dib, waxaana loo gudbiyey Baarlamaanka federaalka Itoobiya oo goor dhoweyd laalay xaaladii degdegga ahayd ee Itoobiya saarneyd.
Ra’iisul wasaarahii hore ee Itoobiya Haile Mariam Deselgn ayaa is calisay dhawaan, isaga oo sheegay in uu waddada u xaarayo in dalka ay ka dhacaan isbadallo siyaasadeed lana dhagaysto dalabka shacabka.
Itoobiya ayaa isbedello siyaasadeed ee waaweyn ku dhaqaaqday kadib markii xilka Ra’iisal wasaaraha loo magacabaay ninka Oromada ah ee Abiy Ahmed.