Wednesday, July 17, 2024

Baarlamaanada Galmudug, Hirshabelle, K/Galbeed & Jubaland oo diiday Shirkii Arrimaha Dastuurka

Baarlamanada Afar ka mida Dowlad goboleedyada Soomaaliya ayaa diiday casuumad uga timid Guddoonka labada Aqal ee Baarlamanka Federalka Soomaaliya.

Qoraal kasoo baxay Guddoomiyeyaasha Baarlamaannada Galmudug, Hirshabelele, K/Galbeed iyo Jubbaland ayaa lagu sheegay in shir ay yeesheen madaxda Golayaasha Xeer-dejinta Dawladaha Xubnaha ka ah Dawladda federaalka Soomaaliya intii u dhaxeysay 3-4 Decembar 2023 ay soo saareen go’aan ay ku diideen casuumaaddii Guddoonka labada Aqal ee Baarlamaanka Federaalka, iyagoo ku eedeeyay inay uga baxay heshiiyo iyo ballamo ay horey u wada galeen.

Kulanka oo la sheegay inuu ka dhacay magaalada Muqdisho ayaa waxaa ka qeyb galay Guddoomiyaha Golaha Wakiillada Hirshabeelle Abdixakiim Luqmaan Xaaji Muxumed, Kusimaha Guddoomiyaha Golaha Wakiillada Koofur Galbeed Maxamed Nuur Maxamed Macalin, Guddoomiyaha Golaha Wakiillada Galmudug Maxamed Nur Gacal iyo Guddoomiyaha Golaha Wakiillada Jubbaland Sheekh Cabdi Maxamed Cabdiraxmaan (oo khadka ku jiray).

Ad

Waxay qoraalkooda ku sheegeen in la fulin waayey heshiisyadii ay horey ula galeen Baarlamaanka Federaalka Soomaaliya oo kal ahaa: Heshiiskii is afgaradka ee lagu saxiixay Muqdisho Agoosto, 2017, Dib u eegisna lagu sameeyay Shirkii Baydhabo December 2018, Garowe Abriil 2019, iyo Shirkii Muqdisho 18 Novembar 2022.

Guddoomiyeyaasha Afarta Baarlamaan ayaa ku doodaya arrimaha soo socda;

1. In aysan waxba ka fulin balamadii iyo heshiisyadii horey loo galay oo ay ugu horeysay in laga wada shaqeeyo danta guud, gaar ahaan arimaha la xiriira Dastuurada iyo Shuruucda Federaaalka iyo kuwa DXDFS.

- Advertisement -

2. In aysan waxba ka fulin iswaafajintii Dastuurka JFS iyo Dastuurada Dawladaha Xubnaha ka ah DFS iyo Shuruucda kale ee ay soo saaraan Golayaasha DXDFS.

3. In aanan qayb ka ahayn Guddiyada loo xilsaaray wax ka beddalka iyo dib u eegista Dastuurka JFS, iyada oo uu xusaayay heshiiska Golaha Afhayeenada ee 10 kii Abril 2019 in ay xubno ka noqdaan Golayaasha Wakiilada wax ka baddelka Dastuurka JFS. Balse laga reebay Baarlamaanka 11aad, iyaga oo xubno kulahaa Baarlamaankii 10aad.

4. In aysan jirin Guddiyo ka wada shaqeeya shuruucda ay ansixiyaan labada Gole ee Baarlamaanka JFS wax talo wadaag ahna aysan ku lahayn Guddiyada Golayaasha Wakiillada DXDFS.

5. Sida ku cad heshiisyadii horey loo gaaray oo ay ka mid ahayd in hay’adaha caalamiga ah ee taageera Baarlamaannada si wada jir ah looga codsado taageero loona dhamaado ka faa’iideysiga mashaariicda Hormarineed ee Baarlamaanada, ayna lagaar noqdeen Guddoonka labada Gole ee Baarlamanka JFS.

- Advertisement -

6. Hoggaaminta Soo yaalkii wadashaqeynta Afhayeenada Golayaasha Xeer-dejinta 00 uu soo bilaabay Golaha shacabku bishii Febraayo 2016 ayey caqabad ku noqotey is qabqabsiga iyo jahawareerka ka dhexjira Guddoonka labada Gole ee Baarlamaanka JFS, taas oo sababtey in ay ku wareeraan Guddoonada Golayaaasha Wakiilada DXDFS, Golihii hoggaamin lahaa Golaha Afhayeenada.

7. Golayaasha Xeer-dejinta oo isku xuquuq iyo waajibaad ah, ayuu soo saaray Baarlamaanka 11aad sharci u diidaya Xuquuqdii Baasaboorka Diblomaasiga ah Xildhibaanada Goleyaasha Wakiillada DXDFS, 20 kii maarso 2023, iyada oo aysan jirin sabab cad oo loogu diiday Xaqaas ay lahaayeen Xildhibaanadu, kana sii darantahay in ay labada Gole ansixiyeen markii ugu horeysay in Baasaboorka Diblamaasiga la siiyo Xaasaskooda, caruurtooda iyo Xildhibaanadii hore ee banneeyay Xilka, taas oo khilaafsan sharcigii Arrimaha dibadda ee soo baxay 2014 kii.

8. Sida ku xusan heshiiskii Afhayeenada Golayaasha Xeer-dejinta Soomaaliya qodobkiisa 4aad faqradiisa 6aad ee Garowe Abriil 2019 iyo soo jeedintii shirkii Muqdisho November 2022 ee ay ku caddeed in Miisaaniyadda labada Gole ee Baarlaamaanka JFS laga siiyo kab-miisaaniyadeed Golayaasha Wakiillada DXDFS lana soo bilaabay fulinteeda 2019, hakadna gashay xilligii karoonaha iyo Doorashadii Federaalka Soomaaliya dibna loogu balamay in lagu daro Miisaaniyaddii 2023, balse nasiib darro noqotey in ay si wada jir ah u diideen labada Gole ee JFS iyo Guddoonkooda.

Hadaba innaga oo tixraaceyna warqadda sumadeedu ahayd XG/108/B- 11/23, kuna taarikheysneyd 28 Novembar 2023, ujeedkeeduna ahaa Casuumaad kulanka Guddoomiyeyaasha labada heer ee BJS iyo BDXDFS, waxaan si wada jir ah u go’aansanay;

1. In aanan ka qayb-galin shirka nalagu casuumay inta ay ka caddaanayso cidda leh hoggaaminta Golaha Afhayeenada Goleyaasha Xeer-dejinta Soomaaliya iyo inta wax laga qabanayo hawlihii horey loogu heshiiyay, waxna laga baddelayo sharciga Socdaalka Soomaaliya.

2. Mas’uuliyadda kala duwanaashaha iyo iska hor-imaadka Dastuurka KMG JFS iyo Dastuurada DXDFS iyo shuruucda kale ee ay soo saaran Goleyaasha Xeer-dejintu waxaa Mas’uuliyadeeda qaadaya Guddoonka labada Gole ee Baarlamaanka JFS.

Waxaa ku saxiixnaa afart mas’uul ee sare u qoran.

Warar Xul ah

NAGULA SAAXIIB BARAHA BULSHADA: Like Saar

161,065FansLike
2,523FollowersFollow
5,990FollowersFollow

NAGU SOO BIIR

161,065FansLike
2,523FollowersFollow
5,988FollowersFollow

TOP NEWS

XOGAHA QARSOON