Ciidamada Milateriga Dowlada Soomaaliya iyo kuwa deegaanka ee ka howlgala degmada Ceeldheer, Galgaduud ee Maamulka Galmudug ayaa gacanta ku dhigay nin ajanabi Alshabaab ka tirsanaa oo isu diyaarinayay inuu Doon ka raaco xeebaha deegaanka Mareeg ee Gobolka Galgaduud.

Wararka ayaa sheegaya in Ninkan oo ay duruuf ka muuqatay la qabtay kadib markii xogtiisa ay heleen ciidanku iyo dadka ku dhow xeebta Mareeeg, waxaan markii la qabtay kadib la geeyay oo lagu soo bandhigay degmada Ceeldheer.

Saraakiisha Ciidamada dowlada sheegay in ninkaan uu sheegay inuu u dhashay dalka Yemen, isla markaana uu ku dhibaatooday deegaanada Alshabnaab ee Galmudug.