Wednesday, July 17, 2024

Agaasimihii Madaxtooyada Somaliya oo shaaciyey Sababta uu xilka isaga casilay

Agaasimihii Guud ee Madaxtooyada Soomaaliya Xuseen Sheekh Maxamuud ayaa si rasmi ah ugu dhawaaqay inuu xilkii ka tegay, iskana casilay, iyadoo hore ay usoo baday is-casilaadiisa.

Qoraal uu soo saaray ayuu Agaasimihii hore ayuu sheegay inuu isku casilay arrin ku saabsan Koonfur Galbeed, ayna lagama ay noqotay inu waqti dheeraad ah siiyo ka shaqeynta danaha dadka iyo deegaanka Koonfur Galbeed.

HOOS KA AKHRI QORAALKA IS-CASILAADIISA

Ad

Marka hore waxaan umadda Soomaaliyeed la wadaagayaa in aan si rasmi ah isaga casilay xilka Agaasimaha Guud ee Madaxtooyada Jamhuuriyadda Federaalka Soomaaliya oo aan haayay laga soo billaabo 23 May, 2022.

Waxaan marka xigta Alle ka sokow u mahadcelinayaa Madaxweynaha JFS Mudane Dr. Xasan Sheekh Maxamuud oo mas’uuliyaddan ii igmaday, fursadna ii siiyay inaan dalka u adeego. Waxaan sidoo kale u mahadcelinayaa mas’uuliyiinta iyo howl-wadeenada kale ee garabka ii ahaa muddadii aan mas’uuliyaddaas haayay.

Muddadaas kooban ee aan haayay xilkan, wuxuu Ilaah igu guuleeyay inaan si hufan u guto waajibaadkayga, is-beddel la taaban karana ku soo kordhiyo Madaxtooyada Soomaaliya gaar ahaan hufnaanta maamulka ee xafiiska iyo ku gacansiinta Madaxweynaha siyaasadihiisa ku wajahan dawlad-dhiska Soomaaliya.

- Advertisement -

Waxaan uga tagey xilkii Agaasimaha Madaxtooyada Soomaaliya kaddib markii uu igu xoogeystay dareen i weheshaday oo ah xaaladda Koonfur Galbeed Soomaaliya iyo markii aan in badan dhageystay tallooyinka shacab iyo siyaasiin badan gaar ahaan kuwa deegaanka, garowsadayna in ay lama huraan tahay inaan waqti dheeraad ah siiyo ka shaqeynta danaha dadka iyo deegaanka Koonfur Galbeed, taas oo aan aaminsanahay in ay u baahan tahay hoggaan leh lexejeclo, aqoon, ammaano, waayo-aragnimo iyo damiir ummadeed una horseeda deegaankaas horumar dhanka amniga, siyaasadda, dhaqaalaha iyo mid bulshaba leh, si looga faa’ideysto kheyraadka Alle ku manaystay Koonfur Galbeed islamarkaana ay hormuud ugu noqoto dalka intiisa kale.

Waxaan sii wadi doonaa oo aan gelin doona dadaal aan kala go’ lahayn guud ahaan ka qaybqaadashada dadaallada dowlad dhiska ee uu Madaxweyne Xasan Sheekh u taagan yahay, gaar ahaanna sidii ay bulshada Koonfur Galbeed u heli lahaayeen is-beddel loo aayo si nabad iyo dimuqraadi ahna ku yimaada.

Ugu dambeyn waxaan si xushmad iyo qadarin leh uga codsanayaa dhammaan dadka Soomaaliyeed gaar ahaan reer Koonfur Galbeed inay garab igu siiyaan xaqiijinta himilooyinkaas aniga oo Alle hortiis ballanqaadaya in aan hormuud ka noqon doono sidii reer Koonfur Galbeed ku heli lahaayeen hoggaamin leh sinnaan, caddaalad, karti iyo ammaano dhinac kasta ah.

Wabilaahi Towfiiq

Warar Xul ah

NAGULA SAAXIIB BARAHA BULSHADA: Like Saar

161,065FansLike
2,523FollowersFollow
5,990FollowersFollow

NAGU SOO BIIR

161,065FansLike
2,523FollowersFollow
5,988FollowersFollow

TOP NEWS

XOGAHA QARSOON