Abwaanka caanka ah ee Soomaaliyeed C/llaahi Xersi Baarleex ayaa saaka u duulay dalka Turkiga oo caafimaadkiisa lagula tacaali doono, kadib markii uu in muddo ah ku xanuunsayeya magaalada Hargeysa.

Abwaan Baarleex ayaa Muqdisho u yimid si xaaladiisa caafimaad wax looga qabto, waxaana markii danbe suuragashay in saaka loo qaado Isbitaal ku yaalo dalka Turkiga si loogu soo Daaweeyo, iyadoo uu kharashka bixinayo Madaxweynaha Soomaaliya Maxamed C/llaahi Farmaajo.

Saraakiil u hadashay Xafiiska Madaxweymaha Soomaaliya ayaa Warbaahinta u sheegay inay ka warqabi doonaan Abwaan Baarleex inta uu ku sugan Dalka Turkiga, waxaana garoonka ku sagootiyay xubno ka tirsan Madaxtooyada iyo wasaaradda warfaafinta.